Жоғары
«ШЕТ АУДАНДЫҚ ОРТАЛЫҚТАНДЫРЫЛҒАН
КІТАПХАНАЛАР ЖҮЙЕСІ»

КОММУНАЛДЫҚ МЕМЛЕКЕТТІК МЕКЕМЕСІ

Сұрақ-жауап

Сұрақтың мәтіні:

Құрметті кітапханашылар, Күй атасы дәулескер күйші Әбікен Хасенұлының туғанына биыл 120 емес 125 жыл екенің дәлелдеген күйші Қайролла Садуақасовтың "Бұл кешірілмейтін күнә!" атты мақаласын (PDF) электорнды түрде жасап көмек көрсетулеріңізді сұраймын.

Жауап:

Сәлеметсіз бе, құрметті Айша!

 Сіздің сұранысыңыз бойынша күйші-композитор Әбікен Хасенұлы туралы мақаланы электронды түрінде ( PDF ) жіберіп отырмыз және осы мақаланы сіздің электронды поштаңызға жіберіп отырмыз.

Хасенов Әбікен

Әлиман, Ж. Бұл кешірілмейтін күнә [Мәтін] / Ж. Әлиман // Орталық Қазақстан.- 2017.- 4 мамыр (№48).-4 б.

 

 

Сұрақтың мәтіні:

Ақын Сұлтанмахмұт Торайғыровтың газет беттеріне шыққан мақалалар тізімі керек еді. Алдын ала рахмет

Жауап:

Сәлеметсіз бе, құрметті Самал!

 Сіздің сұранысыңыз бойынша ақын Сұлтанмахмұт Торайғыровтың газет беттеріне шыққан мақалалар тізімін жіберіп отырмыз және де осы мәлімет сіздің электронды почтаңызға жіберілді.

        Торайғыров Сұлтанмахмұт

       Мерзімді басылым беттерінде:

  1. Абетжанова,  Э. Алаш деп ұран салған [Мәтін] / Э. Абетжанова // Ана тілі.- Алматы, 2013.- 25 сәуір-2 мамыр (№17).-3 б.
  2. Әбдіқалық,  Қ. Сұлтанмахмұт және «қазақ» газеті [Мәтін] / Қ. Әбдіқалық  // Қазақ.- Алматы, 2013.- 24-31 мамыр (№21-22).-7 б.
  3. Биназартегі, А. Кемеңгердің кемел ойы [Мәтін] / А. Биназартегі // Үркер.- Астана, 2016.- қыркүйек (№9).-41-45 б.
  4. Дәуіт, О. Сұлтанмахмұт шығармалары жыл таңдауы атанды [Мәтін] / О. Дәуіт // Егемен Қазақстан.- Астана, 2017.- 28 ақпан (№41).-12 б.
  5. Сәрсембин, Ү. Текті тұлғадан текті ұлтқа дейін [Мәтін] / Ү. Сәрсембин // Ақиқат.- Алматы, 2017.- сәуір (№4).- 22-29 б.
  6. Талғатқызы, Г. Қазақ поэзиясының аққан жұлдызы [Мәтін] / Г. Талғатқызы // Қазақ.- Алматы, 2013.- 6 желтоқсан (№49).- 5 б.
  7. Таңдау Торайғыровқа түсті [Мәтін] // Астана ақшамы.- 2017.- 28 ақпан (№24).- 5 б.

     

Сұрақтың мәтіні:

өмірі мен шығармалары керек еді?

Жауап:

Сәлеметсізбе, құрметті Арайлым!

 Сіздің сұранысыңыз бойынша ақын, драматург  Сұлтанмахмұт Торайғыровтың өмір жолы мен кітапхана қорындағы ақын Сұлтанмахмұт Торайғыров шығармаларын жолдаймыз және осы мәлімет сіздің электронды почтаңызға жіберілді.

 

                                                                      Сұлтанмахмұт Торайғыров

                                                                             (Өмір жолы)


     Абайдан кейінгі қазақтың жазба әдебиетінде әр жанрда еңбек етіп, ерекше көзге түскен көрнекті ақындарының бірі Сұлтанмахмұт Торайғыров болды. Ол 1893 жылдың 28 қазанында Көкшетау облысының Қызылту ауданында туған. Оның әкесі Шоқпыт (шын аты Әбубәкір) атанған кедей, момын шаруа адамы болған.Шоқпытта екі баласы болған: Байқоңыр, Сұлтанмахмұт. Сұлтанмахмұттың екі жасында шешесі өліп, жетімдікті көріп өседі. Әкесі әйелі өлген соң балаларын алып, өзінің туған жері Павлодар облысының Баянауыл ауданына көшеді. Ақынның балалық шағы Баянауылда өтеді. Алғашқыда ол Әлі, Тортай, Мұқан деген ауыл молдаларында оқиды. 1908 жылы Сұлтанмахмұт Баянауылдағы Әбдірахман деген молданың медресесіне түсіп, одан 2-3 жыл сабақ алады. Молданың ұрып – соғуына шыдай алмай, ол оқуды тастап кетеді. Молданың қаталдығын, надандығын сықақ етіп өлең шығарады.
      Ол 1911 жылы бір қыс бойы Нұрғали Бекбауов деген мұғалімнен оқиды. Нұрғали жаңаша оқыған, көзі ашық, сауатты мұғалім болған. Оның көмегімен Сұлтанмахмұт қазақ, татар тілдерінде шыққан әдеби кітаптарды, газет – журналдарды оқуға дағдыланады. Өзінің білімінің саяздығын сезген Сұлтанмахмұт 1912 жылы Троицк қаласына барып, Ахун Рахманқұли деген татардың медресесінде оқуға түседі. Бірақ тұрмыс жағдайының ауырлығынан мұнда ұзақ оқи алмайды. Қаржының тапшылығынан көп қиыншылық көріп, ауруға шалдығады. Жаз шыға Троицк маңындағы бір ауылға бала оқытуға кетеді. Ондағы ойы бала оқыта жүріп, денсаулығын түзеп, қаржы жинап, қайта оқуға келу болады. Ол бала оқытудан бос уақытында, өз бетімен оқумен шұғылданады, өлеңдер жазады. Сұлтанмахмұт Торайғыров қазақтың ұлы ақыны Абайға да мінездеме беріп, оны қазақ әдебиетінің өкілдерінің бәрінен ерекше, дара тұлға деп бағалайды. Ол аз өмірінің ішінде (небәрі 27 жас жасаған) әлденеше лирикалық өлең, ондаған мақала, екі роман, 5-6 поэма жаңа сатыға көтерген, Абайдан кейінгі ірі суреткер, реалист ақын болып табылады.

     Он екі жасында-ақ тауды тесіп, тасты жарып шыққан қайнардай бұрқ етіп өлең-жыр шумақтаған балдырған Сұлтанмахмұт 17 жасында туған халқының өмір сырына үңіліп, келешегін ойлайды. Шындықтың аулын іздеп жолға шығады.

     Сұлтанмахмұт өмір сүрген кезең ХХ-ғасырдың бас кезі- Ресей топырағындағы ең бір дүр сілкіністің, азаттық үшін арпалыстың кезеңі болды. Бірімен-бірі қабаттасқан үш бірдей төңкеріс патшашылдық биліктің тас-талқанын шығарды. Отаршылдық езгінің әлсіреуі ұлттардың оянуын тездетті. Саяси жағдай ұлттық сананың оянуына себепкер болған төменде айтып кеткен үш төңкеріс, ол Ресейдегі 1905-1907 жылдары және қазақ даласындағы патшаға қарсы 1916 жылғы қозғалыстар, 17-ші жылғы Ақпан төңкерісі. Ақынның бел шеше жазу ісімен айналысқан кездері де осы бір шытырман жылдар еді. Ол мәдениеті озық елдердің жоғары жетістіктерін уағыздап, жаңалық жаршысы бола білді. Сол себептен ақын «Бүгіндегі жастарға оқу міндет, бар қиындық тек қана ғылым жеңбек» деген үлкен ойдың қажырлы көрінісіндей жыр жолдарын өз оқырмандарына жолдады.
     Сұлтанмахмұт шығармаларын жинау, бастыру, зерттеу ісінің де ұзақ тарихы бар. Ақынның өз басы да, әдеби мұрасы да дау-дамайға көп түскені мәлім. Осындай уақытта ақынның кейбір өлеңдері жоғалды, табылғаны дау туғызды. Қолда барының кейбірі ұлтшылдық қарғыс таңбасы басылып, қайта жабылды. Сондай шығармасының бірі- «Айтыс» (қала ақыны мен дала ақынының айтысқаны) аталатын дастаны. Бұл-аяулы ақынның кемел ойлап, кең пішкен шығармасы. Аяқталмауы өкініш. Мұнда Сұлтанмахмұт егеменді еліміздің тәуелсіздігі, тіл теңдігі, төл өнеркәсіп, Ұлттық қорғаныс тәрізді аса ірі және көкейкесті мәселелерді сол кезде-ақ – 1919 жылы қозғап, тамаша жырлағанын көреміз. Жиырма жеті жасында дерт меңдеп, тағдыр кермесіне ілінген ақын! «Тым болмаса екі жыл тұрмадым, іштегіні түгел жарыққа шығара алмай кетіп барамын», - деп, «Айтысты» тәмәмдай алмағанын зор өкініш етіпті.

    С.Торайғыров қайтыс болғаннан кейін, советтік заманда- 1922 жылы Қазан қаласында белгілі ақын Бернияз Күлеев бастырған «Адасқан өмір» және 1933 жылы Қызылордада шыққан «Сұлтанмахмұт Торайғырұлының толық шығармалар жинағы» кітаптарында жарияланды.

      1933 жылы ақын жинағын Жүсіпбек Аймауытов баспаға дайындады. «Сұлтанмахмұт өлген соң (1920ж) оның шығармаларын он жыл бойы жинап – теріп, баспаға әзірлеп, өмір тарихын жазған Ж.Аймауытовтың еңбегі айрықша екенін баса айту керек. Жүсіпбек болмаса Торайғыровтың толық жинағының шығуы, оның толық өмір тарихын білуіміз неғайбыл еді.»,-дейді Қайым Мұхамедханов. Поэманы Сұлтанмахмұт Торайғыровтың 1922 және 1933 жылдары жинақтары бойынша баспаға дайындаған – филология ғылымдарының кандидаты Арап Еспенбетов. С.Торайғыровтың кейінгі жылдары шыққан екі жинағында да (1950 және 1957) елеулі кемшіліктер кездеседі. Біріншіден, жазушының қолжазбалары жоғалып кеткенін сылтау етіп, тиянақты ешбір текстологиялық жұмыс жүргізілмей келген. Екіншіден, Сұлтанмахмұт Торайғыровтың творчестволық өмірбаянын жазуда да ауыз толтырып айтарлықтай ізденулер мен жаңадан тапқан жөнді деректер болмаған.

    1926 жылы «Сұлтанмахмұт Торайғырұлының сөздерін жинау науқанына ат салыңыздар!» деген ашық хатында Жүсіпбек Аймауытов: «ақын елінің тілі ғой, адал туған ұлы ғой, бүлк-бүлк еткен жаны ғой, жанын жеген ары ғой, айта алмай. Жаннан, ардан безбесе, ақынын қандай ел қастерлемесін! – деп жазды. Сұлтанмахмұт шын мағынасында осы сөзге татитын ақын. Ол көп жабының бірі емес, от болып жанып кеткен, құйрықты жұлдыздай ағып түскен, тұлпар талант еді. Сондықтан Сұлтанмахмұт есімі қазақтың жыр – дариясын құрайтын үлкен, асау, арналы өзенінің бірі болып қалмақ. Ол халық жүрегінен құрметті орын алады.

      Павлодар қаласында қасиетті қара шаңырақ Павлодар мемлекеттік университеті және облыстық кітапхана  С.Торайғыров атымен аталады. Сол қалада Торайғыров көшесінде ақынға арналған ескерткіш орнатылған.
Баянауылда С.Торайғыровтың құрметті есімімен аталған «Торайғыр көлі» бар екені барлығымызға мәлім. Сол көлдің маңында Торайғыр ауылы орналасқан.

 

Кітапхана қорындағы

ақын Сұлтанмахмұт Торайғыровтың шығармалары:

 

  1. Торайғыров,  С. Таңдамалы шығармалар [Мәтін]: поэзия / С.Торайғыров.- Алматы: Қазмемкөркемәдеббас, 1957.- 398 б.
  2. Торайғыров,  С. Сарыарқаның жаңбыры [Мәтін]:

           екі кітап / С. Торайғыров.- Алматы: Жазушы, 1987. 1 кітап.: өлеңдер.-160 б.

  1. Торайғыров, С. Екі томдық шығармалар жинағы [Мәтін] / С. Торайғыров.- Алматы: Ғылым, 1993.- 1-том.-280 б.
  2. Торайғыров, С. Шығармалар жинағы [Мәтін] / С. Торайғыров.-Алматы: Өлке, 2012.-488 б.
  3. Торайғыров, С. Қамар сұлу [Мәтін]: романдар, поэмалар, өлеңдер / С. Торайғыров.-Алматы: Атамұра, 2002.-240 б.
  4. Торайғыров, С. Үш томдық шығармалар жинағы [Мәтін] / С. Торайғыров.-Алматы: Жібек жолы, 2002.- 1 т.- 176 б.
  5. Торайғыров, С. Үш томдық шығармалар жинағы [Мәтін] / С. Торайғыров.-Алматы: Жібек жолы, 2003.- 2 т.- 256 б.
  6. Қазақ әдебиетінің тарихы [Мәтін] : он томдық.- Алматы : Қазақпарат, 2006.- (Мәдени мұра).

          6 т. : XX ғасырдың басындағы қазақ әдебиеті (1900-1917) /  ред.: А. Егеубаев, Ж. Ысмағұлов.- 2006.- 609 б.

  1. Торайгыров, С. Стихи и поэмы [Текст]: сборник / С. Торайгыров ; пер.с каз.- Алма-Ата: Жазушы, 1989.- С.253

 

 

 

Сұрақтың мәтіні:

Сәлеметсіздер ме! Қалмүқан Исабаевтың "Жұмбақ үй" деген әңгімелер жинағы бар ма?

Жауап:

Сәлеметсіз бе, құрметті Жанболат сіздің сұранысыңыз бойынша кітапханамызда Қалмұқан Исабаевтың бар кітаптарының тізімін ұсынып отырмыз, өтінішке орай нақты Сіздің сұранысыңыз бойынша "Жұмбақ үй" атты әңгімелер жинағы жоқ екенін хабарлаймыз. 

Исабаев Қалмұқан

Шығармалар:

1. Исабаев, Қ.

Сұңқар самғауы [Мәтін] : роман / Қ. Исабаев.- Алматы: Жазушы, 1966.-

144 б.

2. Исабаев, Қ.

Соңғы ерлік [Мәтін] : деректі повесть / Қ. Исабаев.- Алматы: Жазушы, 1971.-224 б.

3. Исабаев, Қ.

Өрде [Мәтін] : роман / Қ. Исабаев.- Алматы: Жазушы, 1978 .-264 б.

4. Исабаев, Қ.

Серт [Мәтін] : роман / Қ. Исабаев.-Алматы: Жазушы, 1981.-192 б.

5. Исабаев, Қ.

Арна [Мәтін] : роман / Қ. Исабаев.- Алматы: Жазушы, 1984.-320 б.

6. Исабаев, Қ.

Соңғы тәсіл [Мәтін] : повестер мен әңгімелер / Қ. Исабаев.- Алматы: Жазушы, 1984.-430 б.

7. Исабаев, К.

Мұндайлар болған [Мәтін] : повестер / Қ. Исабаев.- Елорда: Астана, 2003-232 б.

Сұрақтың мәтіні:

Шет өңірінің тумасы соғыс ардагері Мұқажан Ақажанұлының өмірбаяны мен газет беттеріне шыққан мәліметтері электронды көшірме (PDF) түрінде болса керек еді.

Жауап:

Сәлеметсіз бе, құрметті Аялы!

Сіздің сұранысыңыз бойынша Шет ауданының тумасы, соғыс ардагері Мұқажан Ақажанұлының өмірбаяны мен газет беттеріне шыққан мәліметтерін электронды көшірме (PDF) түрінде жіберілді.

 http://shetlibrary.gov.kz  осы сайттың сол жақ бетінің «Өлкетану – Ардагерлер»  бөлімдерінің ішінде Мұқажан Ақажанов туралы қосымша мәлімет алуға болады.

Ақажанов Мұқажан

Өмірбаян

Ғасыр жасаған ардагер
Ұлы Отан соғысының ардагері Мұқажан АҚАЖАНОВ 1914 жылдың 15 тамызында Қызылту болысында дүниеге келген. Әкесі Ақажан ескіше оқыған сауатты адам болған. Баласының хат танып, білім алуына бар жағдай жасаған.
Сол жылдары өңірде ешқандай білім ошақтары болмағандықтан, Мұқаңды 1927 жылға дейін төте жазуға әкесі өзі оқытқан екен. Алайда, 1928 жылы кәмпеске (конфискация) науқаны басталып, сол ағымға Ақажан молланың да отбасы ілінген. Еңбек жолын Мұқажан Ақажанов 1929 жылы Ақтөбе ұйымында (қазіргі Ақтөбе ауылы) жаяу пошташы болып бастайды. 1931-1932 ашаршылық жылда­ры Ақтөбе ұйымының халқын қажетті азық-түлік, киім-кешек және басқа да тұрмыстық құрал-жабдықтар­мен қамтамасыз ететін қызметті басқарды. Қарамағында сегіз ат шана мен ат арба және он алты адам болған.
1932 жылы Мұқаңның басшылы­ғымен Ақтөбе ұжымына қарасты жерде тек қол күшімен біршама егін салынды. Жалғыз ат соқамен және күрекпен жер өңделіп, қол тырмамен малаланып, сол жылдың күзінде бұрын-соңды болмаған астық алынды. Осы астықтың арқасында өңірдегі ашаршылықтың беті едәуір қайта бастайды және келешекке біршама тұқым қоры құйылды. 1934 жылдың мамыр айында аудан басшылығы Мұқаң атаны «Нұраталды» кеңшарының «Алабұға» бөлімшесіндегі сүт өң­деу шағын өндірісіне басшылық ету­ге жіберді. 1935 жылы сол өңір­де жаңадан ашылған «Комсомол» фер­масын басқаруды жүктей­ді. Ал, 1936 жылы Балқаш кен байыту ком­бинатының қосалқы «Қызыл­тау» шаруашылығының «Түлкілі» фер­масының жетекшілігіне жоғарыла­тады. Осында ол 1939 жылға дейін, яғни, қызыл әскер қатарына шақы­рылғанға дейін қызмет атқарды.
1939 жылдың қазан айында қызыл әскер қатарына шақырылып, әскери борышын өтеу уақыты Ұлы Отан соғысымен тұспа-тұс болғандықтан, еліне 1946 жылдың мамыр айында оралған. Сұрапыл соғыс жылдары Кеңес Одағының Қиыр Шығыс әскери округінде Комсомольск қала­сының іргесіндегі арнайы бөлім­де шекарадағы әскери барлау бағы­тындағы жауапты қызметте болған. Сол соғыс жылдарындағы оқиғалардың бірін Мұқаң ата есіне түсіріп, былай дейді: «Екі ай карантин біткеннен кейін барлық жауынгерлер сапқа тұр­ғызылып, полк командирі Мұхам­бетжан Айтжанов деген полковник келді. Ол бірден сапқа қарап тұрып: «Қазақстаннан Қарағанды қаласынан жауынгерлер бар ма?» деп сұрады. Рота командирі: «Бар, ол – Мұқажан Ақажанов» деді. Мен саптан шықтым, полк командирі жаныма келіп, Қарағандының қай жерінен екенімді, әке-шешем, туған-туысқандарымның арасында саяси сотталғандар бар ма деген сұрақтар қойды. Одан кейін ол өзі Теміртаудан екенін айтып, маған құпия бөлімшеге қарасты арнайы бөлімде боласың деді. Осыдан кейін мен бірінші арнайы бөлімде алғашқыда командир орынбасары, кейіннен командир болдым.
1945 жылы біз Амур өзенінің жағалау­ында шекара күзетінде бол­дық. Қа­рамағымда 9  жауынгер және бір орынбасарым болды. Ұзындығы бір шақырымдай траншея қаздық. Басқа әскери бөлімшелер тылдан біздің траншеяға дейін жер астымен байланыс жасады. Тамақ, киім-кешектер осы жер астымен біз­ге жеткізіліп тұрды. Шекарада талай жапон тыңшыларын кейін қайтарып отырдық. Осы кезде жапон әскерлері жарылғыш заттармен өз-өздерін жарып жібергенін талай көрдік. Оларды бірден  шекараға та­қалтпай, снайперлермен атып отыр-дық. Күніне кезектесіп 2-3 сағат қана  ұйықтаған кездер болды.
Бір күні таңның ататын уақытында дүрбімен кезекті тексеру кезінде Амур өзенінің жағасында қозғалған жанды байқап қалдым. Күзеттегі бес адамның үшеуін алып, үстімізге маскировка киімдерді киіп, өзенге қарай барлауға кеттік. Өзенге жарты шақырым қалған кезде жапон барлау­шысы бізді байқамай, бірден қолға түсті. Ол кенеттен ұсталғанынан өз-өзін жаруға үлгермеді. Оны байлап, бөлімшеге әкеліп, офицерлерге тапсырдық. Ұстағанымыз жапон әс­керінің барлаушысы болғанын және одан құпия ақпараттар алынғанын рота командирінен естідік. Соғыстың соңына дейін осы шекарада болдық.
Соғыста жеңіске жеткеннен кейін, Мәскеуден офицер келіп, маған Генералиссимус И.Сталинннің қолы қойылған арнайы грамота және 150 000 сом ақшалай сыйлық, орынбасарыма 100 000 сом тапсырды. Ал, қарамағымдағы жауын­герлеріме ресми алғыс айтылды».
Соғыстан кейін 1947 жылдың қаңтар айынан бастап 1949 жылдың қазанына дейін Мұқаң ата аудандық тұтыну одағы (Райпотребсоюз) меке­месінде ревизор болып, азаматтық қызметін қайта жалғастырды. Одан кейін сол мекемеде қойма мең­геру­шісі, 1950-1956 жылдар ара­лы­ғында Шет аудандық тұтыну одағы төрағасының орынбасары қыз­метінде болды. 1956-1960 жылдар аралығында «Орталық аудандық ау­рухана», ал, 1960-1974 жылдар ара­лығында «Аудандық коммуналдық шаруашылығы» мекемелерінде шар­уа­шылық меңгерушісі болып қызмет атқарды.
1974-1977 жылдары «Кеншоқы» кең­шарында бас шопан болып  жұмыс  атқарды. 1977 жылы зейнеткерлікке шыққан. Бірақ, «Орталық аудандық аурухана» мекемесінің басшылығы Мұқаң атаның мол тәжірибесін және жауапкершілігін бағалап, 1977 жылы бұрынғы шаруашылық меңгерушісі қызметіне қайта шақырады. Зейнет­керлікте бола тұра, Мұқаң ата осы қызметті он жыл, яғни, 1987 жылға  дейін абыроймен  атқарды. Өндіріс­тегі жоғарғы көрсеткіштері үшін Мұқаң ата аудандық, об­лыс­тық кәсіп­­одақ ұйымының бір­неше дүркін жеңімпазы атанып, Мақ­тау грамот­алары және бағалы сый­лық­тарымен марапатталған. Ұлы Отан соғысындағы Мұқажан Ақа­жа­нов атаның көрсеткен ерліктері лайықты бағаланды. «Отан соғысы» орденімен, «Георгий Жуков», «Ұлы Отан соғысындағы жеңісі үшін», «Соғыс ардагері» медальдарымен және Ұлы Жеңіске арналған мерейтой медальдарымен, Украина мем­лекетінің арнайы медалімен, «Астана қаласына – 10 жыл» медалімен, көптеген Құрмет грамоталарымен ма­рапатталған. Жүзге келген қарт май­дангер шежірелі Шет өңірінде ғиб­ратты өмір кешіп, ауданның да­муы­­на үлес қосқан. Бүгінде екі қызы­нан төрт немере, үш шөбере сүйіп отыр.

Мерзімді басылым беттерінде:

  1. Ысқақ, А. Ардагермен кездесу өткізілді [Мәтін] / А. Ысқақ // Шет шұғыласы.- 2013.- 9 мамыр (№19).- 4 б.
  2. Жұмабеков, Б. Ғасыр жасаған ардагер [Мәтін] / Б. Жұмабеков // Орталық Қазақстан.- 2015.- 11 сәуір (№58-59).- 4 б.
  3. Жосалбай, С. Әділдікті, батырлықты ту еткен ардагер [Мәтін] / С. Жосалбай // Шет шұғыласы.- 2013.- 9 мамыр (№19).- 5 б.
  4. Жұмкеұлы, Б. Жүзге келген майдангер [Мәтін] / Б. Жұмкеұлы // Орталық Қазақстан.- 2014.- 16 тамыз (№154-155).- 4 б.
  5. Дәулетбекұлы, М. Қарт жауынгер – 100 жаста [Мәтін] / М. Дәулетбекұлы // Шет шұғыласы.- 2014.- 21 тамыз (№33).- 1 б.
  6. Түсіпханова, Б. Мұқажан атамен кездесу [Мәтін] / Б. Түсіпханова // Шет шұғыласы.- 2015.- 9 сәуір (№14).- 5 б.
  7. Жұмабеков, Б. Соғыста 150 мың сом сыйлық алған [Мәтін] / Б. Жұмабеков // Президент және Халық.- 2015.- 3 сәуір (№14).- 4 б.

 

Сұрақтың мәтіні:

Сәлеметсіздер ме, Сіздер де ақын Тезекбай Амандықұлының 2017 жылы Шет шұғыласы газетіне шыққан өлеңдері барма, болса электронды (PDF) түріндегі көшірмесін жолдай аласыздар ма?

Жауап:

Сәлеметсіз бе, құрметті Манара!

Сіздің сұранысыңыз бойынша ақын Тезекбай Амандықұлының 2017 жылы Шет шұғыласы газетіне шыққан өлеңдерін электронды (PDF)  көшірме түрінде жіберіп отырмыз және осы мәлімет сіздің электронды поштаңызға жіберілді.

http://shetlibrary.gov.kz  осы сайттың басты бетінің оң жағында Шет шұғыласы газетінің баннері орналасқан, сол арқылы Шет шұғыласы газетінің нұсқаларын оқи аласыз және де сол жақ бетінің «Өлкетану – Ақындар» бөлімдерінің ішінде Тезекбай Амандықұлы туралы қосымша мағлұмат алуға мүмкіндіктер бар.

 

Амандықұлы Тезекбай

Мерзімді басылым беттерінде:

Амандықұлы, Т. Жыр дәптерінен [Мәтін]: Т. Амандықұлы // Шет шұғыласы.-2017.- 12 қаңтар (№02).-12 б.

Сұрақтың мәтіні:

Сәлеметсіздер ме! Сіздерде Д.Исабековтың "Гаухартасы" бар ма?

Жауап:

 Сәлеметсіз бе, құрметті Ақсауле. Сіздің сұранысыңыз бойынша кітапханамызда Дулат Исабековтың "Гауһар тас" повесінің жаңа нұсқадағы кітабы оқырман қолында, кітапханамызда 1993 жылғы нұсқасы бар.

Исабеков Дулат

Шығармасы:

Исабеков, Д.

Екі томдық таңдамалы шығармалар [Мәтін] : / Д. Исабеков. 1 т.: повестер.-Алматы:  Жазушы, 1993.- 544 б.

Қазақстандық ұлттық электронды кітапханасы арқылы, яғни www.kazneb.kz сілтемесі арқылы электронды түрде де оқи аласыз.

 

Сұрақтың мәтіні:

Батыр Сеңкібай Оразғұлұлының өмір сүрген жылдары және қысқаша мағлұмат керек еді. Алдын ала рақмет

Жауап:

Сәлеметсіз бе, құрметті Жанат!

Сіздің сұранысыңыз бойынша батыр Сеңкібай Оразғұлұлының өмір сүрген жылдарын және батыр туралы әдебиеттер тізімін, батыр туралы мерзімді басылым беттеріне шыққан батыр жайындағы мақалалар тізімін (мәліметтер) жіберіп отырмыз және де осы мәлімет сіздің электронды поштаңызға жіберілді.

Оразғұлұлы Сеңкібай

Батыр, шешен, би Сеңкібай Оразғұлұлының өмір сүрген жылдары: 1709 жылы Қарағанды облысы Қарқаралы ауданының жерінде туып, 1786 жылы Шет ауданының жерінде қайтыс болған.

Ол туралы әдебиеттер:

  1.  Жүністегі, К.  Шырағдан [Мәтін] / К. Жүністегі.-Алматы: Елшежіре, 2007.-121-122 б.
  2. Төреқұл, Н.  Даланың дара ділмарлары [Мәтін] / Н. Төреқұл.-Алматы, 2001.-212-219 б.
  3. Шет ауданы [Мәтін]: энциклопедия / ред. Ә. Оспан.-Алматы: ҚазАқпарат, 2013.-20-22 б.

Мерзімді басылым беттерінде :

  1. Жүкібай, М. Ұлы баба тұлғасы ұрпақ жүрегінде [Мәтін] / М. Жүкібай // Орталық Қазақстан, 2006.-14 қараша (№176).-4 б.
  2. Жаңқашұлы,  Ж. Елдің пірі, ұрпақтың мақтанышы [Мәтін] / Ж. Жаңқашұлы // Орталық Қазақстан.- Қарағанды, 2009.- 17 қыркүйек (№141).- 6 б.
  3.  Мәкенбайұлы,  Қ. Сеңкібай батыр Оразғұлұлы ел қорғаны болған [Мәтін] / Қ. Мәкенбайұлы // Қарқаралы.- 1992.- №7/8.-3-11 б.

Сұрақтың мәтіні:

Сәлеметсіздер ме! Төрехан Майбастың Орталық Қазақстан газетінің 2017 жылғы қаңтар айындағы Бешкенов Мұсатай жайында жазған мақаласын электронды көшірме (PDF) түрінде жолдай аласыздар ма?

Жауап:

Сәлеметсіз бе, құрметті Нұргүл!

Сіздің сұранысыңыз бойынша Төрехан Майбастың Орталық Қазақстан газетінің 2017 жылғы қаңтар айындағы Бешкенов Мұсатай жайында жазған мақаласын электронды көшірме (PDF) түрінде жіберіп отырмыз және де осы мәлімет сіздің электронды поштаңызға жіберілді.

Бешкенов Мұсатай

Мерзімді басылым беттерінде :

 Майбас, Т. Көсеммен бірге отырған [Мәтін]: Қазақстандағы қуғын-сүргінге-80 жыл / Т. Майбас  // Орталық Қазақстан.- 2017.- 5 қаңтар.- (№1).- 3 б.

 

Сұрақтың мәтіні:

Сәлеметсіз бе! мен дипломдық жұмыс бойынша сізге жазып отырмын.Тақырыбым "Шет ауданының құстары", осыған байланысты маған шет ауданы туралы,жалпы сипаттама, климаты, табиғаты, географиялық орны, физика-географиялық жағдайы, ауданда кездесетін құстары туралы толық мәлімет керек еді. мейліңше көбірек ақпараттар сіздерде бар ма?

Жауап:

Сәлеметсіз бе, құрметті Балбөбек!

Сіздің сұранысыңыз бойынша, яғни дипломдық жұмыс бойынша "Шет ауданының құстары" осыған байланысты Шет ауданы туралы, жалпы сипаттамасы, климаты, табиғаты, географиялық орны, физика- географиялық жағдайы, ауданда кездесетін құстар туралы материалдарды кітапхана сайтындағы Shetlibrary.gov.kz "Өлкетану" бөлімінен және төмендегі әдебиеттерден мәліметтер алуыңызға болады.

 

Шет ауданы туралы жалпы сипаттама

Әдебиеттер:

  1. Жакин, М. Шет ауданының топонимикасы [Мәтін] : [ғылыми   

          зерттеу] / М. Жакин. - Қарағанды : Гласир, 2013. - 499 б.

  1.   Қарағанды.  Қарағанды облысы [Мәтін] : энциклопедия / бас  ред. Ә. 

Пірманов.-Алматы:  Атамұра, 2006.-552 б.

  1.   Досмагамбетов, С.  Центральный Казахстан: природа и природные    

          ресурсы, события и люди, реформы и развитие [Текст] / С.

          Досмагамбетов.-Алматы:  Междунар. Изд-ский Дом "Желтые   

          страницы", 2003. – С.14

  1. Шет ауданы [Мәтін] : энциклопедия / ред. Ә. Оспан.-Алматы: ҚАЗақпарат, 2013.-382 б.
  2. Шет өңірінің тарихи-мәдени ескерткіштері [Мәтін] : фотошежіре / ред. Ж. О. Ақылбаев. - Қарағанды : ҚарМУ, 2004. - 152 б.

Шет ауданының құстары

Әдебиеттер:

 

  1. Ісләмұлы, І. Қырандар ұшқан Қызылтау [Мәтін]:Ел мен жер тарихы / І. Ісләмұлы, Ж. Қызбалаұлы:Қарағанды:TENGRI, 2014.-36-43 б.
  2. Гладков, Н.  Құс – қанатты досымыз [Мәтін] / Н. Гладков.-Алматы: Қайнар, 1982.-160 б.
  3. Ковшарь,  А.  Қазақстандағы жануарлар әлемі [Мәтін] / А. Ковшарь, В. Ковшарь.-Алматы:  Алматы кітап, 2012.-44-82 б.

     3.  Қазақстан қорықтары [Мәтін] / ред. С. Бөпетаева. - Алматы :

           САНАТ, 2007 - .2 т. : Марқакөл. Жер жәннаты. - 472 с.

  1. Қазақстан қорықтары [Мәтін] / ред. С. Бөпетаева, О. Құлахметов.-Алматы: САНАТ, 2008.-408 б.
  2. Қарағанды. Қарағанды облысы [Мәтін] : энциклопедия / бас  ред. Ә. 

Пірманов.-Алматы:  Атамұра, 2006.-552 б.

  1. Төреходжаев, Ж.  Қанатты достар [Мәтін] / Ж. Төреходжаев, Р. Әлімбаев.-Алматы: Қайнар, 1977.-128 б.
  2. Досмагамбетов, С.  Центральный Казахстан: природа и природные     

          ресурсы, события и люди, реформы и развитие [Текст] / С.

          Досмагамбетов.-Алматы:  Междунар. Изд-ский Дом "Желтые   

          страницы", 2003. – С.14

 

Шет ауданының құстарының тізімі:  

  1. Бүркіт
  2. Қаршыға
  3. Лашын
  4. Құр
  5. Шіл
  6. Бөдене
  7. Қоңыр қаз
  8. Үйрек
  9. Дуадақ
  10.  Қырғи
  11.  Тырна
  12.  Көгершін
  13.  Қарға
  14.  Қара қарға
  15.  Сауысқан
  16.  Торғай
  17.  Қара торғай
  18.  Бозторғай
  19.  Көкек

Тағы басқа су, орман құстары мекендейді.

        

 

 

Жаңалықтар таспасы rss
28.11.2019

«Жаһандық ауқымдағы тұлға» атты оқырмандармен онлайн конференция өткізілді.

...

Тұңғыш Президент күніне орай Қарағанды қаласының М.Әуезов атындағы кітапханалар жүйесінің №4 филиалының ұйымдастырумен 1 желтоқсан…

Толық

21.11.2019

«Асуларды алады жастар әлі, зор болашақ бүгіннен басталады»

...

Тұңғыш Президент  Н.Ә. Назарбаев 2018 жылы 5 қазанда Қазақстан халқына арнаған «Қазақстандықтардың әл-ауқатының өсуі: табыс пен тұрмыс…

Толық

15.11.2019

«Ұлттық валюта-теңге күні»

...

15 қараша Ұлттық валюта күніне орай аудандық кітапханада «Бизнес бастау» жобасының тыңдаушыларымен «Ұлттық валюта-теңге күні»…

Толық

14.11.2019

«Бір ел - бір кітап»

...

14 қараша «Бір ел - бір кітап» акциясы бойынша аудандық кітапханада «Бизнес бастау» жобасының тыңдаушыларымен Әбділдә Тәжібаев…

Толық

12.11.2019

«Ел ертеңі –жасампаз жастармен» атты аудандық, кенттік, ауылдық жас кітапханашылардың арасында шеберлік сыныбы өтті.

...

      Шет аудандық орталық кітапханасында «Рухани жаңғыру» бағдарламасын іске асыру мақсатында және Жастар жылы аясында…

Толық

Көп оқылған беттер
22.06.2015

... «Мен кітапханаларды білім, адамгершілік, парасат ордасы деп білемін. Ал кітапханашыларды ешқашан жоғалмауға тиісті асыл қазынаның сақшылары деп санаймын». Әбіш Кекілбаев

Толық

24.07.2015

... Кітапхана құрылымы

Толық

04.08.2015

... Басылымдар патшалығы

Толық

23.07.2015

... Мерзімді басылымдар - 2017 жыл

Толық

27.07.2015

... Шет аудандық орталықтандырылған кітапхана жүйесі

Толық

15.07.2015

... Кітапхана туралы

Толық

Интерактивтік сұрақ

Қай саладағы кітапты жиі оқисыз?






Нәтижелер



Яндекс.Метрика

gif